Бурятстадай мэдээсэһээр, 2016 ондо республика дотор бага олзын хэрэг эрхилэлгын эрьесэ 35 миллиард 100 миилион түхэригтэ хүргэгдэжэ, энэнь 2015 оной дүнһөө 15 бүхэли 8 арбанай %-ээр ехэ гэжэ харуулба.
Тэрээн зуура, энэ эрьесын гол хубиие гэхэ гү, али 49 бүхэли 9 арбанай %-ые бөөнөөр болон ганса гансаар худалдаанай бага предприятинууд бүридхөө.
Транспортна хэрэгсэлнүүдые мотоциклнуудые болоод гэр байраадаа хэрэглэдэг бытовай хэрэгсэлнүүдые болоод промышленна үйлэдбэриин хубидаа хэрэглэдэг хэрэгсэлнүүдые заһабарилдаг предприятинууд хамтын хэрэгтэ 16 бүхэли 2 арбанай процент хубитаяа оруулаа. Гэр байрануудтай харилсаануудые ябуулдаг болон хангалтануудые үзүүлдэг компанинууд 14% эзэлнэ, үшөө 11% барилгын һалбарида хабаатайшуулай хубида тоологдоно.
Буряадта бага олзын хэрэг ябуулдаг предприятинуудай 70 гаран % Улаан-Үдэдэ ажалаа ябуулдаг юм байна. Удаань Кабанскын аймаг. Тэндэ бүхы бага олзын хэрэг эрхилэгшэдэй эмхинүүдэй 4% ажал хэнэ. Загарайн аймаг гурбадахи һуурида. Эндэ иимэ предприятинуудай 2 бүхэли 6 арбанай процент бүридхэгдэнхэй.
2016 ондо бага олзын хэрэг эрхилэлгын предприятинуудта 16 мянга 200 хүн ажал хэдэг байгаа, тэдэнэй һарын дунда зэргын салин 20 мянга 106 түхэриг болоно.
Гол капитал руу инвестици оруулха талаар мүнгэнэй хэмжээн ( гол нөөсэдэ шэнэ болон гадаадаһаа абтаһан ) 2016 ондо 408 миллион 900 мянган түхэригтэ хүргэгдөө.
Буряадай толгойлогшын уялгануудые саг зуура дүүргэгшэ Алексей Цыденов бага олзын хэрэг эрхилэлгые дэмжэхэ тухай нэгэтэ бэшэ мэдүүлээ һэн гээд һануулая. Февраль һарада энэ хэрэгтэ хабаатай зургаанууд олзын хэрэг эрхилэгшэдтэй уулзалга бэлдэжэ, дүтын ерээдүйдэ тэдээнтэй сэхэ харилсаа тогтоохо талаар даабари үгөө бэлэй.