«Урда Байгал» гэһэн федеральна автомобильна харгынуудай управленидэ уласай транспортын яаманай, гүрэнэй хизаарлагдамал «Бурятрегионавтодор» эмхиин, Улаан-Үдын захиргаанай болон Буряадай хэдэн аймагуудай түлөөэгшэд сугларжа, Россин Федерациин транспортын яаманай бэелүүлдэг «Аюулгүй болон шанартай харгынууд» гэһэн проектээр ажалай суглаа үнгэргөө.
Хабаадагшад автохаргынуудые Улаан-Үдын агломераци руу оруулха асуудалнуудые хэлсээ.
Энээнһээ гадна, заһабарилгын ажалнуудай программаар 2017 онһоо 2025 он болотор харгынуудые капитальнаар заһабарилха болон һэльбэн шэнэлхэ асуудал харагдаа.
Тус проектын зорилгоор, 2018 он болотор гай тодхорнуудай ушарха аюултай харгынууд 50%-һээ ехэ байха еһогүй, 2025 он болотор бүхы харгынуудай 85 % һайн шанартай болгогдоод байха зэргэтэй.
Суглаанда хабаадагшад тус зорилгые бэелүүлхын тула харгынуудые тусхайтаар болбосон түхэлтэй болгожо, харгынуудаар гүйлгые гуримшуулха талаар хэмжээнүүдые абаха хэрэгтэй гээд тэмдэглээ.
Энээнһээ гадна, хотын агломерацинуудай харгынуудаар татагдаһан утаниин транспортна хэрэгсэлнүүдээр ашаглагдаха норматиивна эрилтэнүүдтэ тааралдаатай байжа, хубинь 2018 ондо 50%-дэ, 2025 ондо 85%-дэ хүргэгдөөд байха еһотой.
Тиигэжэ проектын бэелүүлэгдэхэдэ, час-пикта гэхэ гү, али автоунаануудай эгээл ехээр суглардаг сагуудта, тон ехээр ашаглагдадаг харгынуудай хуби доошолуулагдаха, уласай ажаһуугшад хотын агломерацинуудай байдалай һайжарһые тэмдэглэхэ дүн туйлагдаха жэшээтэй.
Алексей Цыденовай Буряадай толгойлогшын тушаалда саг зуураар томилогдоһоһонһоо 10 үдэр болоод, «Аюулгүй болон шанартай харгынууд» гэһэн проектын еһоор 650 миллион түхэриг федеральна һан жасаһаа Улаан-Үдын харгынуудта татагдаа һэн гээд һануулая. Уласай мүнгэнтэй хамта, автохаргынуудые заһабарилха хэрэгтэ 1 миллиард түхэриг үгтэнэ.